Biografia Ime

Faton Abdullahu tash disa vite është zëdhënës i Partisë Demokratike të Kosovës. Për një kohë të gjatë ka qenë i pranishëm në media si analist i zhvillimeve politike, ku shpesh ka reflektuar mbi çështje me rëndësi për shoqërinë dhe zhvillimin e vendit. Ai ka botuar shumë kolumne dhe ese mbi politika, kulturë dhe tema të tjera sociale.

Fatoni ka lindur në Prishtinë, ku ka përfunduar shkollimin fillor dhe të mesëm dhe ka diplomuar në Fakultetin Juridik të Universitetit të Prishtinës “Hasan Prishtina”. Për shumë vite ka jetuar në Londër, Britani e Madhe, ku ka përfunduar studimet e magjistraturës në Shkencat Politike (MA) në University College London (UCL – SSEES). Tema e tij e magjistraturës, “Sllavët e Jugut dhe Shqiptarët,” pasqyron përkushtimin e tij për të kuptuar më thellë marrëdhëniet historike dhe politike në rajon.

Ai është autor i librave “Dimensionet e Identitetit Qytetërues: Feja, Kultura, Politika” dhe “Rezistenca dhe e Mundshmja Shqiptare.” Aktualisht, Fatoni është doktorant në South East European Studies (SEES) pranë Universitetit të Evropes Juglindore në Tetovë, Maqedoni e Veriut.

Përveç angazhimeve akademike dhe politike, Fatoni është marrë edhe me sporte luftarake dhe është mjeshtër i karatesë në stilin shoto-kan.

Fatoni është i martuar dhe ka katër fëmijë. Me përkushtimin për zhvillimin e vendit, ai vazhdon të jetë një zë aktiv në përmirësimin e jetës së qytetarëve të Kosovës.